Хитойнинг Хэнань провинциясида жойлашган руҳий касалликлар хусусий шифохонаси мижози таом истеъмол қилиш учун мўлжалланган таёқча билан уч аёлни ўлдириб, яна бирига жароҳат етказди. Бу ҳақда «ТАСС»га таяниб «Дарё» хабар бермоқда.
Маълум қилинишича, мазкур ҳодиса 24 февраль куни содир бўлган, бироқ провинция расмийлари бу ҳақда расман 1 апрель куни эълон қилган.
Sina ахборот портали хабарига кўра, руҳий касалликлар билан оғриган 44 ёшли эркак уни боғлаб турган тасмалардан халос бўлишга муваффақ бўлган ва овқатланиш учун мўлжалланган таёқчани олиб, мазкур тиббий муассасанинг тўрт мижозига ташланган. Аёллардан бири воқеа жойида ҳалок бўлган, уч нафари кўз ва мия-суяк жароҳатлари билан шифохонага ётқизилган.
Кўрсатилган тиббий ёрдамга қарамай, икки аёл ҳалок бўлди. Тўртинчи жабрланувчининг соғлиғи эса айни дамда тикланмоқда.
Маълум бўлишича, аёлларга ҳужум қилган Ян фамилияли шахс аввал метал кишанлар ва занжирлар билан боғланган бўлган, бироқ мазкур ҳодиса содир бўлган кун у тасма ва арқонлар билан боғлаб қўйилган.
Воқеадан сўнг у тегишли терапия ва экспертизадан ўтказилиши учун Лоян шаҳридаги руҳий касалликлар шифохонасига кўчирилди.
Мазкур ҳодиса бўйича тергов ишлари давом этмоқда. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Америкалик олимлар барча учун бирдек фойдали жисмоний фаоллик турини аниқлади
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Футзал. Осиё Кубоги. Тожикистон Японияни гуруҳда қолдирди
Владимир Путин «Крокус»да содир этилган теракт учун ўч олишга чақирди
Тошкентда 02 кодли авторақамлар тахминан қачон пайдо бўлиши айтилди
Ўзбекистонда ўтган уч ойда қанча автомобиль ишлаб чиқарилган?
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди