Сурияда жанг қилаётган ўзбек жангарилари “Котиб Имом ал-Бухорий” (“Имом ал-Бухорий батальони”) гуруҳи бошлиғи Акмал Жўрабоев ҳалок бўлганини тасдиқлашди. У, шунингдек, экстремистик жамоалар орасида Хожи Юсуф ва Шайх Салоҳиддин исмлари билан ҳам машҳур бўлган. Бу ҳақда Qalampir.uz сайти хабар берди.
Унинг ўрнини Абу Юсуф номи билан танилган тожикистонлик бошқа жангари эгаллади.
Келиб чиқиши наманганлик бўлган Акмал Жўрабоев “Имом ал-Бухорий батальони” гуруҳи асосчиларидан бири бўлган.
Гуруҳ вакилларидан бирининг сўзларига кўра, 43 ёшли Акмал Идлиб шаҳридаги масжидда 27 апрель куни отиб ўлдирилган. Воқеа жойида гуруҳ раҳбаридан ташқари, яна уч нафар жангари ҳалок бўлган, иккитаси эса жароҳатланган.
Қотилликни амалга оширган одамни ушлашга улгуришмаган, у яширинган. Шу куннинг ўзида гуруҳ ушбу эркакни қидирувга берган ва унинг қаердалигини айтган одам 1 миллион Сурия фунти (4700 долларга яқин) пул мукофоти билан тақдирланишини эълон қилишган.
28 апрель куни эса Шайх Салоҳиддиннинг қотили ушлангани ҳақида маълум қилинган.
Кейинроқ “Ислом давлати” гуруҳи бу қотиллик уларнинг қаноти ҳисобланган “Хуросон” жангарилари томонидан амалга оширилгани ҳақида хабар тарқатган. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди