Венесуэла президенти Николас Мадуро АҚШ ҳукуматининг Венесуэлага қарши янги санкциялар қўллаш ҳақидаги қарорига муносабат билдирди, дея хабар бермоқда Sof.uz нашри.
Маълум бўлишича, Мадуро бу сафар АҚШ президентини бисотидаги энг яхши ҳақоратли сўзлар билан сийлашдан ҳам тоймаган. Николас Мадуро телевидениенинг тўғридан-тўғри эфирида узатилган нутқида Доналд Трампга мурожаат қилган.
“Етар бировларнинг ишига аралашиш. Жўна уйингга, Доналд Трамп! Венесуэладан йўқол! Бу ердан ифлос қўлларингни торт!” – деб айтган Венесуэла раҳбари.
АҚШ ҳукумати пайшанба куни Венесуэла Олий суди раҳбари ва етти нафар аъзосига нисбатан мухолиф партиялар кўпчиликни ташкил қилган Конгрессни тарқатиб юборгани учун жазо сифатида санкциялар эълон қилган. Венесуэла аҳолисининг оғир ҳаёти ҳақида гапирар экан, Трамп мамлакатдаги вазиятни «инсониятга нисбатан шармандалик» деб атаган.
Венесуэла ҳукумати эълон қилган баёнотда Оқ уй раҳбарияти Венесуэла мухолифатини қўллаб-қувватлаётгани танқид қилинган ва АҚШ раҳбарияти Венесуэладаги вазиятни издан чиқаришга уринишда айбланган. “Президент Трампнинг Венесуэла халқи, ҳукумати ва идораларига қарши тажовузи чегарадан чиқиб кетди”, – дейилади Мадуро ҳукумати баёнотида.
Венесуэлада апрел ойи бошидан бери норозилик намойишлари давом этмоқда. Ҳозирга қадар тўқнашувларда 40 дан ортиқ одам ҳалок бўлган. бир неча кун олдин президент Мадуро намойишчиларни фашистларга, ўзини эса Гитлер таъқибига учраган бечораҳол яҳудийга қиёслаган эди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Эрон президенти жиддий баёнот берди: «Исроилдан ҳеч нарса қолмайди»
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Германияда мактаб ўқувчилари оммавий равишда ислом динини қабул қилмоқда
Велосипедда сайр қилиш учун 3 сабаб: ёшартиради, оздиради ва умрни узайтиради
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди
