19:02 / 02.07.2017
6 410

АҚШ Афғонистондаги ҳарбий операцияларни қайта тиклаш имкониятларини кўриб чиқмоқда

АҚШ Афғонистондаги ҳарбий операцияларни қайта тиклаш имкониятларини кўриб чиқмоқда
АҚШ мудофаа вазирлиги раҳбарияти Афғонистонда толибон ва "Ҳаққоний тармоғи" гуруҳи жангариларини йўқ қилиш мақсадида ҳарбий операцияларни тиклаш имкониятини кўриб чиқмоқда. Kun.uz нашри шу ҳақида хабар берди.

Пентагондаги манбаларнинг маълум қилишича, АҚШ ва Оқ уй ҳарбий идораси ҳозирда Американинг Афғонистондаги стратегиясини қайта кўриб чиқмоқда. Бунда АҚШ президенти Дональд Трампнинг миллий хавфсизлик бўйича ёрдамчиси Герберт Макмастер фаол иштирок этмоқда. Июль ойида Америка етакчисига Афғонистондаги "Толибон" ва "Ҳаққоний тармоғи" ҳаракатларига қарши операцияларнинг қайта тикланишига доир таклифлар тақдим этилиши кутилмоқда.

Расмий маълумотларга кўра, бугунги кунда Афғонистонда халқаро коалициянинг тахминан 13 минг ҳарбий хизматчиси бор, америкалик 8,4 минг аскар ва офицер ҳам шулар жумласидандир. Улар асосан Афғонистондаги ҳарбийларни ўқитиш билан шуғулланишади, шунингдек ҳарбий маслаҳатчи ролида намоён бўлишади. NBC'да таъкидланишича, бугунги кунда Америка ҳарбий кучлари асосан ИШИД ва "Ал-Қоида" террорчи гуруҳларига зарба беришмоқда, толибларга эса - камдан-кам ҳолатларда.

Маълумотларга кўра, Афғонистонда тахминан 35 минг "Толибон" ҳаракати жангариси мавжуд. ИШИД томонда эса республикада атиги бир неча юз киши жанг қилмоқда. Ҳолбуки, Афғонистон ҳукумати учун толиблар кўпроқ таҳдид туғдиради, дейилади CNN'да.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » АҚШ Афғонистондаги ҳарбий операцияларни қайта тиклаш имкониятларини кўриб чиқмоқда