Балиқ ёмғири
Гондурас, 2003 йил
Умуман олганда, Йорода деярли ҳар йили осмондан балиқ ёғилади: ёзги бўронлар уларни яқин орадаги кўллардан олиб келади. Аммо 2003 йилда балиқ ёмғири кўпроқ охир замонни эслатиб юборди, чунки балиқлар осмондан бутун бир кун давомида ёғилиб турди.
Медуза ёмғири
Токио, 1998 йил
Шилимшиқ мавжудотлар Токио кўчаларини тўлдирди, маҳаллий ҳукуматга эса йўлларни тозалаш учун жуда кўп вақт керак бўлди.
Буғдой ёмғири
Испания, 1804 йил
Айнан Испания жанубида ҳосилсизлик кузатилаётган бир пайтда буғдой ёмғири маҳаллий аҳоли учун худонинг мўъжизаси бўлиб туюлди. Охир-оқибат, кучли муссон Шимолий Африкадаги омборларни бузиб, буғдойни ўша ердан олиб келгани маълум бўлди.
Қуш ёмғири
АҚШ, 2011 йил
Рождество арафасидаги тунда АҚШнинг Арканзас штати осмонидан нақ беш мингга яқин ўлик қораялоқ қушлари ёғилди. Паррандашунослар бу қушлар қаердан келгани ва улар нима учун нобуд бўлганини аниқлай олмади.
Чувалчанг ёмғири
Шотландия, 2011 йил
Шотландиялик мактаб ўқувчилари футбол майдонида жисмоний тарбия билан шуғулланаётган пайтда уларнинг устига чувалчанг ёмғири ёғиб берди. Аммо бунинг сабаби топилмади, ахир ўша куни яқин орада на бўрон, на қандайдир кучли шамол ҳам кузатилмаган эди-да.
Ўргимчак ёмғири
Австралия, 2015 йил
Бунақаси фақат Австралияда содир бўлиши мумкин. Гоулберн яқинида махсус енгил «парашютлар»ни тўқиб, шу тариқа округ бўйлаб саёҳат қилувчи ўргимчаклар колонияни ташкил қилди. Аммо кутилмаган қуюн бутун колонияни даст кўтариб, тўғри австралияликларнинг бошларига олиб борди.
Қурбақа ёмғири
Сербия, 2005 йил
Осмондан қурбақалар ёғилган вақтда маҳаллий аҳоли саросимага тушиб қолди. Кейинроқ маълум бўлишича, кучли қуюн бадбахт қурбақаларни яқин орадаги кўлдан олиб, шаҳар устига сочган.
Манба: Daryo.uz “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Россия дунёдаги биринчи водород ёқилғили автомобилни тақдим этди
Тошкентда 02 кодли авторақамлар тахминан қачон пайдо бўлиши айтилди
Америкалик олимлар барча учун бирдек фойдали жисмоний фаоллик турини аниқлади
Германияда мактаб ўқувчилари оммавий равишда ислом динини қабул қилмоқда
Эрон президенти жиддий баёнот берди: «Исроилдан ҳеч нарса қолмайди»
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Владимир Путин «Крокус»да содир этилган теракт учун ўч олишга чақирди