Қодиров A321 ҳалокати айбдорларини хоҳ Саҳрои Кабирдан, хоҳ Антарктидадан бўлса-да топишга чақирди » Ўзбекистон янгиликлари – Zamin.uz

Қодиров A321 ҳалокати айбдорларини хоҳ Саҳрои Кабирдан, хоҳ Антарктидадан бўлса-да топишга чақирди

Дунё 18-11-2015, 10:48 725

Чеченистон раҳбари Рамзан Қодиров A321 ҳалокати айбдорларини хоҳ Саҳрои Кабирдан, хоҳ Антарктидадан бўлса-да топишга чақирди. Бу ҳақда «Газета.ru» хабар беради.

Қодиров A321 ҳалокати айбдорларини хоҳ Саҳрои Кабирдан, хоҳ Антарктидадан бўлса-да топишга чақирди

ФХХ раҳбари Александр Бортников A321 Мисрда теракт туфайли ҳалокатга учраганлиги ҳақида маълум қилгандан сўнг, Қодиров бунинг учун қасос олиш зарурлигини айтиб ўтди.

«Икки масала юзага келади. Биринчиси – қасос! Шу соатдан бошлаб барча кучлар терактни ташкил этишдаги айбдорлар, бунга кўмак берганлар, эътиборсизлик қилганлар, ижро этганлар, маълумотни яширганларни қидиришга йўналтирилиши лозим. Уларнинг барчаси даъво муддатисиз энг қатъий ва бошқаларга ибрат бўладиган жазога лойиқ», — дейди Қодиров Instagram’даги саҳифасида.

Унинг сўзларига қараганда, айбдорлар «хоҳ Саҳрои Кабирга, хоҳ Антарктидага яширинган бўлмасин, ушланиши лозим».

Эслатиб ўтамиз, Россия президенти Владимир Путин Россиянинг A321 лайнерини портлатган террорчиларни сайёранинг исталган нуқтасида топиб, жазолашга ваъда берган эди.

Манба: Daryo.uz


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.