Рамзан Қодиров террорчиларни учувчисиз қурилмаларга боғлаб, ИШИД марраларига улоқтиришни таклиф этди » Ўзбекистон янгиликлари – Zamin.uz

Рамзан Қодиров террорчиларни учувчисиз қурилмаларга боғлаб, ИШИД марраларига улоқтиришни таклиф этди

Дунё 18-11-2015, 10:48 1 895

Чеченистон раҳбари Рамзан Қодиров террорчиларни суд ва терговсиз жазолашни таклиф этди. Бу ҳақда у «ВKонтакте» ижтимоий тармоғидаги саҳифасида маълум қилган.

Рамзан Қодиров террорчиларни учувчисиз қурилмаларга боғлаб, ИШИД марраларига улоқтиришни таклиф этди

«Террорчиларни қўлга олинганидан сўнг «Иблис давлати» (Чеченистонда ИШИД шундай аталади) марраларига ҳужум қиладиган учувчисиз қурилмаларга боғлаб, ҳамкорлари устига улоқтиришни таклиф қиламан. Ҳеч қандай суд мажлислари керак эмас», — дея таъкидлайди Қодиров.

Чеченистон раҳбари фикрига кўра, ҳуқуқ-тартибот идораларининг ходимлари A321 самолёти бортидаги теракт ташкилотчиларини қидиришга асосий эътиборни қаратиши лозим. «Улар муддати чекланмаган энг шафқатсиз ва кўргазмали жазога лойиқ. Қаерда яширинганларидан қатъи назар — Саҳройи Кабирдами, Антарктидами, албатта, қўлга олиниши зарур», — дея ҳисоблайди Рамзан Қодиров.

Эслатиб ўтамиз, олдинроқ Россия президенти Владимир Путин A321 лайнерини портлатган террорчиларни сайёранинг исталган нуқтасида топиб, жазолашга ваъда берганди.

Манба: Daryo.uz


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.