АҚШ ИШИД етакчиларидан бири учун 5 млн доллар мукофот тайинлади » Ўзбекистон янгиликлари – Zamin.uz

АҚШ ИШИД етакчиларидан бири учун 5 млн доллар мукофот тайинлади

Дунё 19-11-2015, 15:39 639

АҚШ Давлат департаменти ИШИДнинг асосий етакчиларидан бири Абу Муҳаммад ал-Шимолий номи билан машҳур Тирад ал-Жарба ҳақидаги маълумот учун беш миллион доллар мукофот тайинлади. Бу ҳақда «Ведомости» бошқарма матбуот хизмати маълумотига таяниб хабар беради.

АҚШ ИШИД етакчиларидан бири учун 5 млн доллар мукофот тайинлади

У ИШИДда чет эллик жангариларни Туркия—Сурия чегарасидан ўтказиш билан шуғулланувчи иммиграция ва логистика масалалари бўйича комиссияни бошқаради. Шунингдек, контрабанда фаолиятини ҳамда Европа, Шимолий Африка ва Арабистон яриморолидан Сурия ва Ироққа молиявий ўтказмаларни назорат қилади.

29 сентябрда ал-Шимолий халқаро террорчилар рўйхатига киритилган ва унга нисбатан БМТ Хавфсизлик кенгаши қарори билан санкциялар жорий этилган. Унинг АҚШдаги молиявий активлари ёпиб қўйилган.


Манба: Daryo.uz
loading...


Zamin.uz нинг Instagram’даги расмий каналига обуна бўлиб, янгиликлардан хабардор бўлинг.