Мали президенти меҳмонхонада гаровга олинганларнинг 19 нафари қурбон бўлганини айтди » Ўзбекистон янгиликлари – Zamin.uz

Мали президенти меҳмонхонада гаровга олинганларнинг 19 нафари қурбон бўлганини айтди

Дунё 21-11-2015, 10:27 960

Мали пойтахти Бамакодаги Radisson Blu меҳмонхонасига уюштирилган ҳужум натижасида 19 киши ҳалок бўлди, етти киши жароҳатланди, икки жангари йўқ қилинди. Бу ҳақда мамлакат президенти Ибрагим Бубакар Кейта маълум қилди, деб ёзади «РИА Новости».

Мали президенти меҳмонхонада гаровга олинганларнинг 19 нафари қурбон бўлганини айтди

Президент мамлакатда фавқулодда ҳолат жорий этилишини эълон қилди.

Ўз навбатида, терроризмга қарши кураш бўлинмаси прокурори ҳужумларда, аввал хабар қилингани каби ўн киши эмас, балки икки киши қатнашгани, улар Калашников автоматлари билан қуролланган бўлганини айтди. Унинг сўзларига кўра, ҳуқуқни ҳимоя қилиш кучлари операция чоғида 105 кишини озод этган.

Эслатиб ўтамиз, 20 ноябрь, жума куни жангарилар Мали пойтахти Бамакодаги Radisson меҳмонхонасига ҳужум қилиб, 170 кишини гаровга олди.

Мазкур ҳужум учун жавобгарликни «Ал-Қоида» билан боғлиқ «Ал-Мураббитун» террорчилик гуруҳи ўз зиммасига олди. Мазкур гуруҳ Малидаги меҳмонхоналарга март (5 нафар қурбон) ва август (13 нафар қурбон) ойларида уюштирилган ҳужумлар учун ҳам масъулиятни зиммасига олганди.


Манба: Daryo.uz
loading...


Zamin.uz нинг Instagram’даги расмий каналига обуна бўлиб, янгиликлардан хабардор бўлинг.