Тошкентдаги тўй кортежи автомобилларининг безориликлари танқидга олинди » Ўзбекистон янгиликлари – Zamin.uz

Тошкентдаги тўй кортежи автомобилларининг безориликлари танқидга олинди

Дунё 28-12-2014, 15:43 7 417
Тошкентдаги тўй кортежи автомобилларининг безориликлари танқидга олинди

Facebook’даги «Водители Ташкента» гуруҳи аъзоларидан бири тўй кортежи автомобилларининг безориликлари акс этган видеолавҳани тармоққа чиқарди, дея ёзади Daryo.uz.

Видеога олинган тўй кортежи олдидаги қора рангли икки Lacetti йўлда кескин ҳаракатлар содир этиб, автомобиллар ҳаракатланишига тўсқинлик қилган. Жумладан, улар катта тезликда кетаётиб, бирданига тўхтаган ва орқага бурилиб олган, шунингдек, қарама-қарши йўналишда ҳаракатланган. Бу вақтда йўлда кетаётган бошқа автомобиллар билан тўқнашиб кетишига оз қолган. Бундан ташқари, тўй кортежининг кўп сонли автомобиллари йўлда ҳаракатланишни бутунлай тўсиб қўйган.

Кортеж олдидаги автомобилларнинг ҳаракати ва умуман кортежнинг йўлни тўсиб қўйиши гуруҳ аъзолари томонидан кескин танқид остига олинган. Жумладан, транспорт воситаларининг ҳаракатланишига халал берган автомобиль ҳайдовчиларини жазолашга чақирилган.
loading...


Zamin.uz нинг Instagram’даги расмий каналига обуна бўлиб, янгиликлардан хабардор бўлинг.