Шинжон-Уйғурдаги теракт натижасида 15 киши ҳалок бўлди » Ўзбекистон янгиликлари – Zamin.uz

Шинжон-Уйғурдаги теракт натижасида 15 киши ҳалок бўлди

Дунё 30-11-2014, 21:25 1 495
Хитойлик полициячилар © STR / AFP

Хитой шимоли-ғарбидаги Шинжон-Уйғур мухтор туманида амалга оширилган террорчилик ҳаракати натижасида 15 киши ҳалок бўлди. Бу ҳақда “Газета.ru» хабар бермоқда.

Яна камида 14 киши турли даражада тан жароҳати олгани айтилмоқда. Террорчилик ҳаракати қандай кўринишда амалга оширилгани ҳақида ахборот берилмаган.

Шинжондаги сўнгги теракт 2014 йил 22 сентябрь куни содир этилган, ўшанда бир неча қўпорувчилик ҳаракати натижасида икки киши ҳалок бўлганди.

Хитой ҳукуматининг расмий маълумотларига кўра, Уйғуристоннинг мустақиллиги учун кураш олиб бораётган диний ақидапараст гуруҳларнинг террорчи ҳаракатлари натижасида сўнгги бир ярим йил ичида 300дан ортиқ аҳоли ҳалок бўлди.

Манба: Kun.uz


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.