Россияда 5 ёшли бола 3 яшар синглисини ов милтиғидан отиб ташлади » Ўзбекистон янгиликлари – Zamin.uz

Россияда 5 ёшли бола 3 яшар синглисини ов милтиғидан отиб ташлади

Дунё 19-02-2015, 11:35 1 552
Россияда 5 ёшли бола 3 яшар синглисини ов милтиғидан отиб ташлади

17 февраль куни кечқурун Россия таркибига кирувчи Бурятия Республикасининг Цаган-Морин қишлоғидаги уйлардан бирида уч яшар қизчанинг жасади топилди, дея хабар бермоқда «Вести.ru». Унинг кўксида ўточар қурол билан етказилган жароҳат бўлган.

Фожиа икки невараси билан яшовчи пенсионернинг уйида содир бўлган. Қария ичкиликбозликка ружу қўйган бўлиб, невараларига эътиборсиз бўлган. Болалар қаровсиз қолиб, ошхонада ўйнаётган вақтида 5 ёшли бола совитгич орқасидан ов милтиғини топиб олган ва синглисига қаратиб, тепкини босган. Ўқ қизчанинг кўкрагига теккан ва у шу заҳотиёқ вафот этган.

Жасадни пенсионернинг қўшниси кўриб қолган ва ҳуқуқни ҳимоя қилиш органларига хабар берган.

Айни пайтда ҳодиса юзасидан тергов ишлари олиб борилмоқда.

Манба: www.kun.uz


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.