Франция футболининг юлдузи Антуан Гризманн яна бир тарихий марра остида турибди. Ла Лиганинг 7-турида ўтган Мадрид дербисида “Атлетико” “Реал” устидан катта 5:2 ҳисобида ғалаба қозонди. Ушбу учрашувда тўпурар ўз жамоасининг бешинчи голини киритиб, яна бир бор мухлисларни хурсанд қилди.
Бу гол Гризманн учун “Атлетико” сафида урилган 199-томон бўлиб, унга клуб тарихидаги 200-гол маррасига эришиш учун фақат битта зарба қолди. Шу тариқа, у нафақат жамоанинг бош тўпурари, балки мадридликлар тарихи учун рамзий аҳамиятга эга шахсга айланмоқда.
Қайд этиш керакки, клуб тарихида иккинчи ўринда турган Луис Арагонеснинг ҳисоби 159 голдан иборат. Бу рақам Гризманннинг қанчалик катта устунлик билан етакчи эканини яққол кўрсатади.
Антуан Гризманн “Атлетико” сафидаги илк даврини 2014-йилдан 2019-йилгача ўтказган. Кейинчалик у “Барселона”га йўл олди, аммо 2021-йилда яна мадридликлар таркибига қайтиб, бугунги кунда ҳам жамоанинг энг муҳим фигураларидан бири бўлиб турибди.
Ҳозир бутун жамоа ва мухлислар унинг 200-гол маррасини қайси ўйинда забт этишини кутмоқда. Бу фақат бир шахсий рекорд эмас, балки “Атлетико” тарихидаги янги саҳифани очадиган воқеа сифатида баҳоланмоқда.
Гризманннинг голлари нафақат жамоага ғалабалар олиб келмоқда, балки клубнинг мадридлик мухлислари қалбида чексиз ифтихор уйғотмоқда. Энди эса у яна бир рекорд маррасида турибди ва барчанинг назарий шу йирик маррага қаратилган.
“Zamin”-ді Telegram-нан оқыңыз!
