Lada Веста июн ойида янги функциялар билан бойийди
AvtoVAZ компанияси бутловчи қисмлар танқислиги сабабли Lada Веста моделларидан олиб ташланган бир қатор қулайликларни қайтаришга тайёргарлик кўрмоқда. Июн ойидан бошлаб дилерлик марказларига янгиланган жиҳозлар тўпламига эга автомобиллар етказиб берила бошлайди. Бу ҳақда Ixbt.com хабар беради.
Энг муҳим янгилик — иқлим назорати (климате контрол) тизимининг қайтиши. Ушбу функция 1,6 ва 1,8 литрли двигателлар билан жиҳозланган Дриве версиясида, шунингдек, 1,8 литрли моторга эга Течно комплектациясида тақдим этилади.
Шунингдек, Lada Коннект Старт телематик тизимидан фойдаланиш имконияти кенгайтирилди. Эндиликда ушбу тизим Комфорт, Практик, Дриве ва Течно каби кўплаб комплектацияларда мавжуд бўлади. Тизим автомобилнинг бир қатор функцияларини масофадан туриб бошқариш имконини беради.
Бундан ташқари, 1,6 ва 1,8 литрли двигателларга эга Дриве комплектациясидаги автомобиллар ёмғир ва ёруғлик датчиклари билан ҳам жиҳозланади.
