BYD Land Rover Дефендер рақобатчиси бўлган янги гибрид кроссоверини тақдим этади
BYD компанияси жорий йил охирига қадар етти ўринли гибрид кроссоверини сотувга чиқаришни режалаштирмоқда. Ушбу модел Land Rover Дефендер каби машҳур йўлтанламасларга жиддий рақобатчи бўлиши кутилмоқда. Янги автомобил ўзининг ўлчамлари бўйича Дефендер 110 ва 130 моделлари оралиғида жойлашади. Бу ҳақда Autocar.co.uk хабар беради.
Ти7 модели BYD компаниясининг янги «ДМ-п» гибрид тизими билан жиҳозланади. У 1,5 литрли турбодвигател, иккита электр двигател ва 35,6 кВ/соат сиғимли литий-темир-фосфат батареясидан иборат. Компания маълумотларига кўра, автомобил 0 дан 100 км/соат тезликка 4,8 сонияда эришади ва фақат электр энергияси ҳисобига 127 километргача масофани босиб ўта олади.
Автомобилнинг ташқи кўриниши классик 4х4 йўлтанламасларни эслатади. Гарчи у Буюк Британия бозорида BYD бренди остида сотилса-да, аслида у Хитойда Фангченгбао бренди остида ишлаб чиқариладиган модел ҳисобланади. Мутахассисларнинг таъкидлашича, Ти7 монокок конструкцияга эга бўлиб, у асосан шаҳар шароитида йўлтанламас услубини хуш кўрувчи харидорлар учун мўлжалланган.
Ҳозирча автомобилнинг нархи расман эълон қилинмаган, бироқ у BYD компаниясининг энг қиммат флагман модели бўлиши кутилмоқда. Катта эҳтимол билан, моделнинг илк намойиши июль ойида бўлиб ўтадиган Гоодвоод Фестивал оф Спеед тадбирида бўлиб ўтади.
