Тошкентда автомобилларни рўйхатга олишни энди ДХА бажаради

Тошкент ШИИББ ЙҲХБ 2019 йил 1 апрелдан автомототранспорт воситаларини рўйхатга олишни Давлат хизматлари агентлигига топширади. Бу ҳақда ИИББ матбуот хизмати хабар бермоқда.

ИИББдан маълум қилишларича, 1 апрелдан янги автомототранспорт воситаларини рўйхатга олиш ва рўйхатдан ўтишда давлат рақам белгиларини олиш учун Тошкентдаги 11 та «Ягона дарча»дан исталган бирига мурожаат қилиш мумкин.
Транспорт воситаларини қайта рўйхатдан ўтказиш ҳозирча ЙҲХБ ихтиёрида қолади.