ММА жангчиси Украинадаги урушда ҳалок бўлди

^{Фото: MMA Polska/Twitter}
Украина Қуролли Кучлари томонида жанговар ҳаракатларда қатнашган полшалик ММA жангчиси Томаш Валентек ҳалок бўлди. Бу ҳақда Полша ММA федерациясига таяниб, Strana.ua хабар берди.

«Биз полшалик кўнгилли сифатида Украина мудофаа легиони сафида жанг қилган ва шу ерда ҳалок бўлган Томашнинг ўлими ҳақида хабар топдик», — дейилади баёнотда.

Валентек ҳаваскорлар ўртасидаги ММA турнирларида қатнашган. 2021 йилда у Гливицадаги иккинчи ММA турнирида ғолиб чиққан.