Урушнинг 224-куни: Украина кучлари фронтда олға силжимоқда, Баҳмут мудофаага тайёрланмоқда (фото)

5 октябрь куни Владимир Путин Украина ҳудудларини аннексия қилиш ҳақидаги қонунларни имзолади. Шунингдек, у Запорожье АЭС объектларини «федерал мулкка ўтказиш» тўғрисида кўрсатма берди ва конституцияга «аннексия қилинган ҳудудларни Россияга қабул қилиш» бўйича ўзгартиришлар киритди.

Украина президенти Владимир Зеленский Херсон вилоятида яна саккизта аҳоли пункти озод этилганини маълум қилди. Минтақадаги оккупацион ҳокимият вакиллари Россия қўшинлари «куч йиғиш ва зарба бериш учун қайта тўпланаётганини» айтди. Россияда сафарбарликдан қочиш бўйича биринчи жиноий иш қўзғатилди. Meduza урушнинг 224-кунига оид асосий фотосуратларни жамлади.

Озод этилган Лимандаги ҳаёт

<sup>Лиман яқинидаги Дробишово қишлоғида 75 ёшли Галина Зейкова вайрон бўлган бинога қарамоқда. Донецк вилоятидаги ушбу шаҳар ва унинг атрофидаги қишлоқлар Россия кучларидан озод қилингани ҳақида 2 октябрь куни маълум бўлди. Рус қўшинлари Лиманни 2022 йилнинг ёзи бошида қўлга киритганди.
Фото: Anadolu

Лиманда озиқ-овқат ва дори учун навбат.
Фото: AFP

Вайрон қилинган мактабдаги хона.
Фото: Anadolu

Украиналик аскар мактаб вайроналари орасида.
Фото: AP Photo

Украиналик кўнгиллилар вайрон қилинган Россия ҳарбий техникаси ёнидан ўтмоқда. 5 октябрь куни The Wall Street Journal нашрида чиққан мақолада айтилишича, Россия армияси Украина Қуролли кучларига бутун уруш давомида Ғарб давлатларининг Украинага етказиб берган қуролларидан кўра кўпроқ оғир қуроллар ташлаб кетган.
Фото: EPA

Украина полицияси ходими ем заводига келтириб ташланган ишдан чиққан рус жанговар машиналари ёнидан ўтмоқда.
Фото: AFP

Шаҳар яқинидаги ўрмонда ётган рус аскарининг жасади.
Фото: Anadolu</sup>
Белая Серков шаҳрига берилган Россия зарбаларининг оқибатлари

<sup>Киев вилоятининг Белая Серков шаҳри аҳолиси вакили рус камикадзе-дронлари томонидан вайрон қилинган бино ёнида ўтирибди. Украина расмийларининг маълум қилишича, руслар Эроннинг Shahed-136 дронларидан фойдаланмоқда.
Фото: Reuters

Белая Серквада вайронага айланган бинони девор туйнугидан томоша қилаётган киши. Россия қўшинлари 5 октябрга ўтар кечаси шаҳарга дронлар билан ҳужум қилди. Бир киши яраланди.
Фото: Reuters</sup>
Украина қўшинлари Баҳмутни мудофаага тайёрламоқда

<sup>Шаҳар марказидан ўтувчи Баҳмутовка дарёси устидаги вайрон бўлган кўприк. Рус қўшинлари Баҳмутни эгаллашга анчадан бери уринмоқда ва ҳозирги вақтда рус армияси фақат шу йўналишда сезиларли ютуқларга эришмоқда. Баҳмут жанубидаги Кодема қишлоғи яқинида Вагнер ёлланма жангчилари ҳаракатланаётгани ҳам маълум.
Фото: Anadolu

Шаҳар марказидаги танкка қарши тўсиқлар.
Фото: Anadolu

Марказий кўчалардан бири.
Фото: Anadolu

Украиналик ҳарбийлар шаҳар яқинидаги позициясида.
Фото: Reuters</sup>
Украина қуролли кучларининг жанубий фронтдаги позициялари

<sup>35 ёшли украиналик аскар Николаев вилоятидаги фронт чизиғида оғир пулемётини созламоқда. Маҳаллий ҳокимият вакилларига кўра, Россия армияси бу ҳудудни мунтазам равишда ўққа тутмоқда. Сўнгги зарбалар 4 октябрь куни Березнеговатое қишлоғига берилган, қурбонлар йўқ.
Фото: AFP

Украина аскари фронт чизиғида ўз позициясини душман кўзидан пана қилмоқда.
Фото: AFP

Украина Қуролли кучлари аскари позициясида патруллик қилмоқда.
Фото: AFP</sup>
Северский Донец дарёсидан ўтиш

<sup>Юрий Шаповалов (ўртада) қайиғига озиқ-овқат юкламоқда. Ҳар куни у Харьков вилоятининг Старий Салтов қишлоғи аҳолисига Северский Донецидан ўтишга ёрдам беради. Дарё устидаги кўприк жанглар пайтида вайрон қилинган.
Фото: AP Photo

Юрий Шаповалов яраланган украиналик аскарни Старий Салтовдаги дарёдан ўтказиб қўймоқда. Харьковдан 45 километр шарқда жойлашган қишлоқ май ойи бошида озод қилинган эди.
Фото: AP Photo

Старий Салтов аҳолиси вакили дарёни қайиқда кесиб ўтиш учун навбатини кутиб турибди.
Фото: AP Photo</sup>