Қизил хоч Украинадан чиқиб кетмоқда

^{Фото: Twitter}
Қизил хоч халқаро ташкилоти Украинадаги фаолиятини тўхтатишга қарор қилди. Бу ҳақда ташкилот вакилига асосланиб Reuters хабар берди.

Қизил хоч ташкилоти хавфсизлик нуқтаи назаридан ушбу қарорга келган.

Эслатиб ўтамиз, бугун, 10 октябр куни Украинага, жумладан Киевга Россия томонидан кўплаб ракета зарбалари берилган эди. Жами 75 та ракета учирилган бўлиб, 41 тасини Украина ҳаво мудофааси зарарсизлантирган. Қурбонлар ва ярадорлар бор, уларнинг аниқ сони маълум эмас.