Туркияда бедарак йўқолган ўзбекистонлик вайроналар остидан тирик топилди

Туркиянинг Каҳраманмараш вилоятида бедарак йўқолган Ўзбекистон фуқароси Бойбеков Рашид Анвар ўғли топилди. Бу ҳақда Ўзбекистоннинг Туркиядаги элчихонаси хабар берди.

Қутқарувчилар томонидан вайроналар остидан олиб чиқилган ватандошимиз ҳозирда «Şütçü İmam Üniversitesi Tıp Fakültesi» шифохонасига жойлаштирилган ва илк ёрдам кўрсатилмоқда.

Куни кеча Туркиядаги зилзилада бир ўзбекистонлик ҳалок бўлгани, тўрт ҳамюртимиз бедарак йўқолгани хабар қилинганди.