Киев осмонидан номаълум жисм учиб ўтди

Кеча, 19 апрель куни кечқурун Киев осмонида ёрқин чақнаш кузатилди. Украина пойтахти ва бошқа вилоятларида ҳаво ҳужуми ҳақида огоҳлантириш эълон қилинган.

Шаҳар маъмурлари буни NASA сунъий йўлдошининг қулаши билан изоҳлади. Аммо NASA бу унинг сунъий йўлдоши эканлигини рад этган.

Маълумотларга кўра, NASA сунъий йўлдоши орбитада қолган ва Ер атмосферасига кирмаган. Ҳозирда NASA ва АҚШ Мудофаа вазирлиги сунъий йўлдошларни кузатмоқда.