Ўзбекистон ташқи ишлар вазири АҚШга ташриф буюрди
3-7 сентябрь кунлари Ўзбекистон ташқи ишлар вазири Бахтиёр Саидов бошчилигидаги делегация ташриф билан АҚШда бўлди.
ТИВ ахборотига кўра, Ўзбекистон ташқи ишлар вазири АҚШ президентининг махсус ёрдамчиси Николас Берлинер, Нью-Йорк мэри Эрик Адамс, АҚШ Сенатининг Ички хавфсизлик ва ҳукумат ишлари бўйича қўмитаси раиси Гари Питерс, Жаҳон банки вице-президенти Антонелла Бассани ҳамда АҚШнинг бир қатор етакчи компаниялари раҳбарлари билан алоҳида учрашувлар ўтказди.
Музокаралар чоғида турли йўналишларда икки томонлама ҳамкорликни мустаҳкамлаш масалалари муҳокама қилинди. Савдо-иқтисодий ва инвестициявий ҳамкорликни фаоллаштиришга алоҳида эътибор қаратилди.
![\"\"](\"https://storage.kun.uz/source/9/GmENK_w1vMV9RIie76B3qewLWkSr7t2V.jpg\")
Ташриф доирасида ахборот-коммуникация соҳасидаги ҳамкорликни мустаҳкамлашга қаратилган Ўзбекистон-Aмерика IТ-ассоциацияси TechBridge лойиҳасига старт берилди.
![\"\"](\"https://storage.kun.uz/source/9/13Bw2drgT0Ru3BoguCA5pAWyNoZ3d-OE.jpg\")
Ўзбекистон делегацияси АҚШ Конгресси кутубхонаси биносида давлат мустақиллигининг 32 йиллигига бағишланган тантанали тадбирда ҳам иштирок этди.
![\"\"](\"https://storage.kun.uz/source/9/vEOPBkVePjdzokAqE4kgLFCUXyo24cWi.jpg\")
