Собиқ вазир ва миллиардер чегарада қўлга тушди

Тан олинмаган Қорабоғ республикасининг собиқ давлат вазири Рубен Варданян Қорабоғдан Aрманистонга кетмоқчи бўлганида қўлга олинган. Бу маълумотни Озарбайжон Давлат чегара хизмати тасдиқлади.

Варданян 2022 йилнинг 1 сентябр куни Россия фуқаролигидан воз кечиб, Қорабоғ ҳудудига келганди. У 2022 йил 4 ноябрдан 2023 йил февралга қадар вазир лавозимида ишлаган.

Варданян шунингдек тадбиркорлик билан шуғулланган, унинг бойлиги бир миллиард доллар атрофида баҳоланади.