Австралияда икки самолёт ҳавода тўқнашиб кетди, улардан бири кўрфазга қулади

Марта тоғидан қарийб 12 км ғарбда жойлашган Порт-Пҳиллип кўрфазида содир бўлган ҳодисага фавқулодда хизматлар маҳаллий вақт билан 14:45 да чақирилган. Австралия денгиз хавфсизлиги бошқармаси иккита ViperС-211 Марчетти самолёти тўқнашганини ва улардан биттаси сувга қулаганини тасдиқлади. Самолёт бортида икки киши бўлган.

Ичида учувчи ва йўловчи бўлган иккинчи самолёт Эссендон аэропортига эсон-омон қўнди.

Учта қутқарув вертолёти ҳалокат содир бўлган ҳудудни сув полицияси ва кўнгилли денгиз қутқарув бўлинмалари билан назоратдан ўтказмоқда. Ҳозирча самолётнинг бир неча қолдиқлари топилди. Қидирув-қутқарув ишлари тонг отгунча давом этади. Ҳодиса Австралия транспорт хавфсизлиги бюроси томонидан текширилмоқда.