Роналду яна бир олқишга сазовор ҳаракатни амалга оширди

Криштиану Роналду Евро-2024 мусобақасининг 1/8 финалида Словения билан ўйиндан сўнг 4 ёшли бемор мухлиси билан учрашди.

Сурияда туғилган бола 2023 йил октябрь ойидан бери Германияда истиқомат қилади. Унинг ота-онаси немис шифокорлари унинг саратонини даволай олишларига умид қилиб, ушбу давлатга кўчиб ўтишга қарор қилишган.

Ўйиндан сўнг Роналду трибунада Авар билан учрашди ва у билан суратга тушди. Шунингдек, Криштиану боланинг футболкаси, кепкаси ва тўпига имзо чекди. Учрашув Германиянинг \"hr3\" радиостанцияси томонидан ташкил этилди.