Зеленский Жанубий Корея ракеталарини Украинаники деб кўрсатди

^{© AP Photo / Efrem Lukatsky}
Владимир Зеленский Украина фуқароларига 20 дақиқалик видеомурожаати чоғида Жанубий Корея ракеталарини Украинанинг “Сапсан” оператив-тактик мажмуаси сифатида кўрсатди. Тармоқ фойдаланувчилари қўпол хатога эътибор қаратди.

Зеленскийнинг украиналик мутахассислар томонидан ишлаб чиқилган “Сапсан” оператив-тактик мажмуаси ҳақидаги сўзлари “Korea Defense Blog” YouTube каналида олти йил олдин эълон қилинган видеодан парча билан тасвирланди.

Тегишли кадрларда Жанубий Корея ҳарбийлари Hyunmoo-2A ва MGM-140 ATACMS баллистик ракеталарини учираётгани кўрсатилган. “Украина” ракетасининг учирилиши ушбу видеодан кесилган.

“Сапсан” бизнинг ракеталаримиз. Украинаники, — деган Зеленский видеога изоҳ бериб.