Трамп: Эрон урушни якунлаш бўйича аксарият шартларга рози бўлди

АҚШ президенти Доналд Трампнинг сўзларига кўра, Эрон урушни якунлаш учун илгари сурилган кўп шартларга розилик билдирган, бироқ Вашингтон қўшимча талабларни ҳам киритмоқчи.

“Улар бизнинг аксарият шартларимизга розилик билдирди. Умумий 15 бандни қўйган эдик ва уларнинг кўпчилиги қабул қилинди. Ҳозир эса яна бир нечта қўшимча бандларни киритмоқчимиз”, — деди Трамп журналистларга.

Шу билан бирга, аввалроқ Эрон АҚШ шартларини рад этгани ва ўз навбатида қарши талаблар илгари сурганини маълум қилган эди.

Эроннинг талабларида Ҳўрмуз бўғози устидан назоратни сақлаш, АҚШ томонидан товон тўлаш ва Эронга қарши янги ҳарбий ҳаракатлар қилинмаслигини кафолатлаш ҳам бор.