Вашингтон марказида "олтин" ҳожатхонага эга тахт ўрнатилди (видео)
АҚШ пойтахти Вашингтонда жойлашган Миллий хиёбон ҳудудида АҚШ президенти Доналд Трампга нисбатан ҳажвий инсталляция ўрнатилди.
“Қиролга муносиб тахт” деб номланган мазкур объект — олтин рангдаги ҳожатхона бўлиб, у Трампнинг Оқ уйни ҳашаматли тарзда таъмирлашга бўлган интилишини танқид қилиш мақсадида намойиш этилган.
Ташаббускорлар ушбу рамзий инсталляция орқали президентнинг сиёсатини, хусусан, давлат маблағларини сарфлаш борасидаги қарорларини кескин танқид қилмоқчи бўлган. Улар фикрича, бундай харажатлар жамоатчилик манфаатларига тўлиқ мос келмайди.
Мазкур ҳажвий “санъат асари” қисқа вақт ичида маҳаллий аҳоли ва сайёҳлар эътиборини тортди. Ижтимоий тармоқларда эса турли фикр ва баҳслар юзага келмоқда.
Кузатувчилар таъкидлашича, бундай ижодий норозилик шакллари АҚШда сўз эркинлиги ва жамоатчилик фикрининг ёрқин кўринишларидан бири сифатида баҳоланади.
