Доналд Трамп Пекинга ташрифини унутилмас деб баҳолади

АҚШ президенти Доналд Трамп Хитойга амалга оширган ташрифини муваффақиятли ва унутилмас деб атади. Унинг сўзларига кўра, Пекинга сафари халқаро майдонда катта эътибор қозонган.

Хитой Марказий телевидениеси иқтибос келтирган баёнотда Трамп ташриф натижаларидан мамнунлигини билдирган. “У жуда муваффақиятли ва унутилмас бўлди”, — деди Америка маъмурияти раҳбари.

Мазкур ташриф икки давлат ўртасидаги муносабатлар фонида муҳим воқеа сифатида баҳоланмоқда. Сиёсий кузатувчилар Пекиндаги учрашувлар халқаро кун тартибида кенг муҳокама қилинишини таъкидламоқда.