Америка фуқароси лоторея орқали 560 миллион доллар ютиб олди

Америка Қўшма Штатларининг Нью-Гэмпшир штатида истиқомат қилувчи фуқаролардан бири Powerball лотореяси орқали 560 миллион АҚШ доллари миқдоридаги пул ютуғига эга бўлди.

Хабарда айтилишича, ютуқли чипта соҳиби 12, 29, 30, 33, 61 ва 26 рақамларини тўғри топишга муваффақ бўлган.

Ғолиб ўз ютуғини бир кунда ёки бир неча йил давомида қисмларга бўлиб олиши мумкин.

2017 йили лоторея ғолибаларидан бири ундан ҳам каттароқ сумма – 758 миллион доллар миқдоридаги маблағни ютиб олганди.