22 нафар муҳожир бетон аралаштирувчи машинада БАА ҳудудига кирмоқчи бўлди

БАА ҳудудига кирмоқчи бўлган 22 нафар ноқонуний муҳожир бетон аралаштирувчи машинада полиция томонидан топилди. Бу ҳақда амирликларнинг The National нашри хабар берди, деб ёзади Kun.uz.

Транспорт воситаси ҳайдовчиси Уммон билан чегарадаги Khatam божхона пунктида ушланган. Машинанинг бетонаралаштиргичида Осиё давлатларидан бўлган 21 киши ва африкалик бир аёл бўлган.

Шаржа амирлиги полициясининг маълум қилишича, воқеа тергов қилинмоқда.