Оқ уй матбуот котиби ресторандан қувилди

Оқ уй матбуот котиби Сара Сандерс Виржиниядаги ресторандан «Трамп учун ишлаяпсан» дея қувилди. Бу ҳақда «Sabah»га таяниб \"Хабар\" нашри маълум қилмоқда.

Сандерс ўзининг «Twitter»даги шахсий саҳифасида: «Кеча кечки пайт Виржиния штатининг Лексингтон шаҳридаги «Ред Ҳен» ресторанига бордим. Ресторан бошлиғи менга «Трамп учун ишлаяпсан» дея кетишимни истади. Бу хатти-ҳаракати унинг кимлигини кўрсатди. Лекин мен барчага яхши муомала қилавераман», – дея ёзган.

Пойтахт Вашингтондан 3 соатлик масофада жойлашган ресторан эгаси журналистларнинг мавзуга доир саволларини жавобсиз қолдирган.