Германияда Эрдўғанга ҳайкал ўрнатилди ва кўп ўтмай олиб ташланди

Германиянинг Висбаден шаҳрида Туркия президенти Ражаб Тоййиб Эрдўғанга ҳайкал ўрнатилди, бироқ кўп ўтмай олиб ташланди.

Маълум қилинишича, Эрдўғаннинг 4 метрли, олтин суви югуртирилган ҳайкали шаҳар марказида Wiesbaden Biennale фестивали доирасида ўрнатилган.

Bild нашри хабар қилганидек, баъзилар ҳайкал олдида суратга туша бошлашган. Бироқ Эрдўғанга қарши чиқувчилар ҳайкалда номақбул сўзлар ва тасвирлар қолдиришган, унга тухумлар улоқтиришган. Бу эса Туркия президенти тарафдорлари томонидан иғво сифатида қабул қилинган.

Висбаден обер-бургомистри Свен Геричнинг айтишича, оқибатда Эрдўған тарафдорлари ва унга қарши чиқувчилар ўртасида даҳанаки жанжал чиқиб, сўнгра муштлашувга айланиб кетган. Герич ҳайкал жойида қолар экан, “хавфсизлик бошқа кафолатлана олмаслигини” айтган.

Полицияда маълум қилинишича, ҳайкал машинага кран ёрдамида ортилган ва олиб кетилган.

Dün akşam, Almanyanın Wiesbaden bölgesinde Erdoğanın heykeli "Kötü Haber" konulu bir sanat etkinliği için meydana dikildi! "Wiesbaden Biennale" neden böyle birşey yaptıklarını henüz açıklamamış! Halkın "Diktatör" tepkisi üzerine heykel kaldırıldı! Polisler bile şaşkın! #salı pic.twitter.com/RPwZo3ybRt

— Deniz Sultan (@DenizKiiiizi) August 28, 2018