“Тахт ўйинлари”даги актёр Европанинг энг кучли одами деб тан олинди

Исландиялик спортчи ва актёр Хафтор Бьёрнссон бешинчи марта Европада энг кучли одам деб тан олинди, деб хабар бермоқда Darakchi.uz.
Хафтор Бьёрнссон “Тахт ўйинлари” сериалидаги Григор Қоя Клиган роли билан машҳурдир.

Бьёрнссон 10 марта 348 килограмм тошни кўтариб, Британиянинг Лидс шаҳрида бўлиб ўтган мусобақада ғолиб бўлди.
2019 йил март ойида Бьёрнссон 474 килограммли тошни кўтариб, Арнольд Шварценеггернинг қўлидан 72 минг долларлик мукофотни олган эди.