Тўйда селфи тушаман деб тўрт киши ҳалок бўлди

^{Фото: AP}
«Times of India» ёзишича, Ҳиндистонда тўрт киши селфимания қурбони бўлди.
Полиция хабарига кўра, воқеа кеча, 7 октябрь куни Тамилнад штатидаги тўғон ёнида содир бўлган.

Аниқланишича, келин-куёв — Ниведита ва Прахба ҳамда уларнинг қариндошлари — Канита, Снеха, Уварани ва Сантош тўғоннинг ёнгинасида бирга селфи-суратга тушмоқчи бўлган. Нимадир бўлиб, куёвдан бошқа ҳаммаси сувга йиқилиб кетган. Прахбу сувга сакраб келинчакни қутқариб қолган, қолган тўрт киши чўкиб кетган.

^{Фото: Aththa Withthi}
Кейинчалик жасадлар топилиб, ўликхонага юборилган. Ҳодиса юзасидан суриштирув олиб борилмоқда.