Сенатор коронавирус учун Хитойни «жазолашни» таклиф қилди

^{Фото: «AP Photo»}
АҚШда сенатор Линдси Грэм «Fox News» эфирида америкаликларнинг коронавирус инфекцияси туфайли ўлими ва ишсизлиги учун Хитой жавоб бериши кераклигини айтди.

«Пандемия Хитой ҳукумати ва унинг хатти-ҳаракати туфайли бошланди. Бу Хитойдан тарқалган учинчи касаллик», — деди Грэм.
Унинг таъкидлашича, АҚШ «Хитойни ўз хатти-ҳаракатини ўзгартиришга мажбур қилиши зарур».

«Хитойдан қарзимизнинг бир қисмини ҳисобдан чиқаришни хоҳлайман, чунки биз уларга эмас, балки улар бизга тўлаши зарур!» — дейди сенатор.
Унинг фикрича, Хитойни шундай қаттиқ жазолаш керакки, бу охир-оқибат уни келажакда тўхтатиб турсин.