Қайта-қайта уч марта коронавирусга чалинган бемор ҳақида

^{Фото: «Kobrincity.by»}
Украинанинг Тернополь вилоятида истиқомат қилувчи одам учинчи марта COVID-19 билан касалланиб қолди, дея хабар берди вилоят соғлиқни сақлаш бошқармаси бошлиғи Владимир Богайчук.

«Орамизда учинчи марта касалликка чалинган бемор бор. Шуни тушунишимиз керакки, ҳатто, коронавирус инфекциясидан даволаниб чиққан бўлсак ҳам, бу бизнинг қайта касалланиб қолмаслигимизга кафолат бермайди», — дея расмийнинг сўзларини келтирган маҳаллий «Тернополяне» нашри.

Украина соғлиқни сақлаш вазирлиги хабарига кўра, мамлакатда 67 597 та COVID-19 ҳолати қайд этилган бўлиб, 1650 нафари вафот этган, 37 394 киши тузалган.