Дунёнинг энг бахтли ва энг бахтсиз мамлакатлари эълон қилинди

^{Фото: «Вокруг света»}
Gallup International ассоциацияси мустақил тадқиқот агентликлари ўтказган глобал сўров асосида дунё мамланинг энг бахтли мамлакатларини аниқлади.

GIA «Бахт индекси»да юқори ўринларни Колумбия (+79), Қозоғистон (+76), Албания (+74), Малайзия (+73) ва Озарбайжон банд этди.

Энг паст ўринларни эса Гана (+2), Афғонистон (+9), Гонконг (+11), Ироқ (17) ва Россия (+18) банд этди, дейилади тадқиқотда.
Шунингдек, «Умид индекси» (Hope Index)да энг яхши ва энг ёмон кўрсаткичга эга мамлакатлар номи ҳам маълум қилинди.

Оптимист-мамлакатлар етакчи бешлигига Индонезия (+72), Албания (+65), Озарбайжон (+53), Нигерия (+51), Мексика ва Вьетнам (ҳар иккисида бир хил +47 балл) киритилган.

Умидсиз-мамлакатлар бешлигида эса Туркия (-34), Болгария (-34), Афғонистон (-32), Польша (-30) ва Чехия (-25)ни кўриш мумкин. Тадқиқот 45 мамлакатни қамраб олган, улар орасида Ўзбекистон йўқ.