Қозоғистон Хавфсизлик кенгаши котиби ўринбосари лавозимидан озод қилинди

^{Азамат Абдимомунов.}
Қозоғистон президенти Қосим-Жўмарт Тўқаев мамлакат Хавфсизлик кенгаши котиби ўринбосари Азамат Абдимомуновни лавозимидан озод қилди.

Абдимомунов 2015 йилда Қозоғистоннинг биринчи президенти Нурсултон Назарбоев даврида ушбу лавозимни эгаллаган эди.

Аввалроқ 30 йил давомида Қозоғистонга раҳбарлик қилган Нурсултон Назарбоев Хавфсизлик кенгаши раҳбарлигини амалдаги президент Қосим-Жўмарт Тўқаевга топширишга мажбур бўлганди.