Швецияда қарғаларга «фаррошлик»ни ўргатишмоқчи

Швециянинг «Corvid Cleaning» компанияси қарғалар ёрдамида шаҳар кўчаларини майда чиқиндилар ва сигарета қолдиқларидан халос қилмоқчи.
Хизмати эвазига қушлар овқат олади.

Чиқиндиларни териш ва махсус автоматга келтириб ташлаш учун қушлар босқичли курсларда ўргатилади.

«Қарғаларни ўргатиш осонроқ, улар бир-бирларидан ҳам ўрганиб олаверади. Қолаверса, уларнинг ўзи чиқиндидан зарарланиши эҳтимоли анча паст», — деди «Corvid Cleaning» асосчиси Кристиан Гюнтер-Ханссен.