Хорижий валюталарнинг ўзбек сўмига нисбатан янги қиймати

Марказий банк хорижий валюталарнинг ўзбек сўмига нисбатан 16 декабрда амалда бўладиган қийматини эълон қилди.

Унга кўра, долларнинг расмий курси 25,06 сўмга пастлаб, 11 231,15 сўмни ташкил қилди. Евро 71,64 сўмга тушиб, 11 929,73 сўм бўлди. Рубль 2,74 сўмга пастлаб, 175,04 сўм бўлди.

Бундан аввал доллар расмий курси икки кунлик пастлашдан сўнг кўтарилиб, 11 256,21 сўмни ташкил қилганди. Евро кесин ошиб, рубль пастлаганди.