Ўзбекистон гуруч импортини оширди

^{Фото: Getty Images}
Гуруч импорти ҳажми 19,3 минг тоннага ошган. Бу ҳақда Давлат статистика қўмитаси маълумот берди. Қўмита хабарига кўра, 2021 йилнинг январь-октябрь ойларида Ўзбекистон 13 та хорижий давлатлардан қиймати 7,2 млн АҚШ долларига тенг бўлган 26,9 минг тонна гуруч импорт қилган.

Қайд этилишича, гуруч импорти ўтган йилнинг мос даври билан солиштирилганда қарийб 19,3 минг тоннага ошган.

2021 йилнинг ўтган 10 ойида Ўзбекистон энг кўп гуруч импорт қилган давлатлар қуйидагича:
Қозоғистон – 26,5 минг тонна;
Покистон – 223,2 тонна;
Хитой – 60 тонна;
Ҳиндистон – 23 тонна;
Россия – 12 тонна;
Литва – 2 тонна.