Тошкентдаги 3 хонали хонадон бошланғич нархидан 2 баробар қимматга сотилди

^{Фото: ‘‘E-auksion’’}
Тошкент шаҳри, Олмазор туманидаги хонадон кимошди савдосида сотилди. Маълумотлар «E-auksion» порталида эълон қилинган.

Хонадон 7 қаватли турар жой биносининг 7-қаватидан жойлашган. Унинг умумий майдони — 236,6 квадрат метр. Уйда сув, электр, газ таъминоти ва канализация тизими бор.

Уй фуқаролик бўйича судлар қарорига биноан, Олмазор тумани МИБ томонидан кимошди савдосига қўйилган эди.

Аукционга қўйилган хонадоннинг бошланғич баҳоси — 453 млн сўм эди. Кимошди савдоси 7 июль куни бўлиб ўтган.

Хонадонга берилган нархлар ўсиб бориб, якунда бошланғич баҳосидан 2 баробар қимматроққа сотилган — 969,7 млн сўм.

Аукцион ғолиби сифатида Баходир Адилходжаев кўрсатилган.