Букайо Сака: Арсенал билан соврин ютиш мен учун ҳамма нарса
Арсенал юлдузи Букайо Сака клуб билан йирик совринларни қўлга киритиш унинг учун қанчалик муҳим эканлиги ҳақида гапирди. У жамоа ва мухлислар учун бор кучини ишга солиб, совринли мавсумларни тақдим этишга вада берди. Бу ҳақда Goal.com хабар беради.
Сака етти ёшидан буён Арсенал академиясида тарбияланган. У ўзининг илк қадамларини эслар экан, болалигидан айнан шу клубга мухлислик қилганини ва футбол унга доимо қувонч бағишлаганини таъкидлади.
Футболчи 2018-йилда Унаи Эмерй қўл остида Европа лигасида дебют қилганини эслади. Ўша совуқ об-ҳаво шароитида майдонга тушиш унинг учун катта орзу ва ҳаяжонли лаҳза бўлган эди.
Микел Артета қўл остида Сака дунёнинг энг хавфли ҳужумчиларидан бирига айланди. У мураббийнинг ғоялари ва инсоний муносабатлари туфайли жамоада ўзини жуда қулай ҳис қилаётганини ва Арсенал билан янги шартнома имзолаш қарори осон бўлганини қайд этди.
