Тошкентдан Самарқандга қорабайир отлар карвони йўлга чиқди

Тошкент вилоятининг Нурафшон шаҳридан Самарқандга қорабайир отлари карвони йўлга чиқди. Бу ҳақида Тошкент вилояти ҳокимлиги хабар берди.

Мазкур марафон йилқичилик ва от спортини янада ривожлантириш мақсадида ташкил этилмоқда. Қорабайир отлари карвони бугун эрта тонгда Нурафшондаги янги “Smart city” ҳудудидан йўлга чиқди.

Марафонда мамлакатнинг машҳур чавандозлари Капитал, Юлдуз, Карол, Лимон, Мираж, Наврўз, Оқсфрой, Олмос, Садаф, Тўриқ, Қалдирғоч, Сапсан, Истанбул, Комиссар, Барон, Граф, Бургут, Тўфон лақабли тулпорлари билан йўл босиб ўтишади.

Улар 330 километр масофани босиб ўтиб, 7 декабрь куни Самарқанд шаҳри, Регистон майдонига кириб боради.