Тўй кортежида олифталик қилган ҳайдовчиларга чора кўрилди

Куни кеча Қашқадарё вилоятида автомашиналарнинг давлат рақам белгиларини ўзбошимчалик билан ечиб, йўлни ҳар иккала қатнов қисмини тўсиб, гуруҳ бўлиб ҳаракатланган ҳайдовчилар жаримага тортилди. Бу ҳақда Қашқадарё ИИБ матбуот хизмати маълум қилди.

Қайд этилишича, ҳолат юзасидан Қашқадарё вилоят ИИБ ЖХХ ЙҲХБ ходимлари томонидан суриштирув ҳаракатлари олиб борилиб, автомашиналарнинг ҳайдовчилари аниқланиб, Ўзбекистон Республикаси Маъмурий жавобгарлик тўғрисидаги кодексининг тегишли моддаларига асосан, маъмурий баённома тузилиб, автомашиналар вақтинчалик сақлаш майдончасига қўйилган.