Шавкат Мирзиёев “Tashkent city”га борди

Ўзбекистон президенти Шавкат Мирзиёев “Tashkent city”га борди, дея хабар берди давлат раҳбари матбуот хизмати.

Қайд этилишича, бугунги кунда Тошкент – улкан бунёдкорлик, замонавий бизнес, илм-фан ва маданият марказига айланди.

\"Tashkent city\"даги Халқаро конгресс марказида кўплаб форум ва анжуманлар бўлиб ўтган. Келгусида яна қатор нуфузли саммитлар ўтказилиши режалаштирилган.

Шу билан бирга, шинамлик даражаси юқори меҳмонхоналар, концерт ва опера театри барпо этилмоқда.

Давлат раҳбари улардаги қурилиш жараёни билан танишди.

Ушбу мажмуа санъат ривожини янги даражага кўтариш, маданий тадбирларни юқори савияда ўтказишга хизмат қилиши қайд этилди.

Шунингдек, президент Тошкент марказида қурилиши якуний босқичда бўлган бир қатор бошқа иншоотларни ҳам кўздан кечирди.