Тошкент вилоятида аёллар ўзаро жанжаллашди

^{Фото: Видеодан кадр}
Ижтимоий тармоқда Олмалиқда аёллар гуруҳ бўлиб жанжаллашаётгани айтилган видеолар тарқалди. Ҳолат юзасидан Тошкент вилояти ички ишлар бош бошқармаси ахборот хизмати муносабат билдирди.

Маълум қилинишича, мазкур ҳолатда Олмалиқ шаҳрининг “Тошкент” МФЙ ҳудудида жойлашган, чиқинди тўплаш маскани ёнида, Лўли элатига мансуб бир нечта аёллар ўзаро тортишиб жанжаллашган.

Жанжал шу вақтнинг ўзида ҳудудий профилактика инспектори ва маҳалла ходимлари томонидан бартараф этилган.

Воқеа юзасидан содир этилган ҳуқуқбузарликка оид иш ҳужжатлари тўпланиб судга тақдим этилган.