Тиббиётдаги ислоҳотлар инсон қадри учун

Миллий тиббиёт маркази мутахассисларининг навбатидаги манзили Тошкент вилоятининг Олмалиқ шаҳри бўлди.

Давлатимиз раҳбарининг жорий йил 5 февралда тиббиётга оид ўтказган йиғилишларида берилган топшириқлари ижросига кўра марказнинг \"Мобил ангиограф\" аппарати ва тажрибали 18 нафар тор соҳа мутахассислари трансплантолог, кардиохирург, нейрохирург, қон-томир хирурги, хирург, окулист, акушер-гинеколог, проктолог, эндокринолог, кардиолог, терапевт ва бошқа мутахассислари жорий йилнинг 20 августида Олмалиқ шаҳар кўп тармоқли марказий поликлиникасига юборилиб, аҳолини чуқурлаштирилган тиббий кўриклардан ўтказмоқдалар.

Тиббий кўрикдан бугунги кунга қадар жами 658 нафар (шундан 35 нафар 18 ёшгача, 623 нафар катталар, 116 нафар фертил ёшидаги аёллар) аҳоли ўтказилиб, 320 нафарида турли касалликлар аниқланган.

Касалларнинг 203 нафарига амбулатор, 75 нафарига стационар ва 42 нафарига юқори технологик жарроҳлик амалиёти тавсия қилиниб соғломлаштириш ишлари туман, вилоят ва Республика даражасида бошлаб юборилган.

Шунингдек, Мобил ангиограф ёрдамида ҳавф гуруҳдаги 84 нафар беморларда жойида Ангиография текшируви ўтказилиши ва аниқланган касалликларни соғломлаштириш ишлари режалаштирилган.


?Кўрик мазкур ойнинг охирига қадар ушбу манзилда давом этади.