4 вилоят ҳокими нима сабабдан ишдан олинди?

Икки кун ичида 4та вилоят ҳокимининг ишдан олинишига асосий сабаб сифатида Бош вазир виртуал қабулхонасига келиб тушаётган мурожаатлар билан ишлашда беэътиборлик ва масъулиятсизликка йўл қўйилгани кўрсатилди. Бу ҳақда Фейсбукдаги саҳифада хабар берилди, деб ёзади telegraf.uz сайти.

Эслатиб ўтиш керак, аввалига Тошкент ва Сирдарё, эртаси куни эса Сурхондарё ва Бухоро вилоятлари ҳокимлари ўз вазифасидан озод этилганди.